Woodstock 50 aṭangin Jay-Z leh John Fogerty inhnukdâwk

Woodstock 50 chu neih a nih pawhin Jay-Z leh John Fogerty tel loa an neih a ngai dawn. 

Woodstock golden anniversary festival neih tura headline, Jay-Z chuan a inhnukdawk a, hemi hnu lawk hian 1969 festival-a Creedence Clearwater Revival (CCR) nena lo perform tawh, John Fogerty pawhin he event aṭanga a inhnuhdawh thu a puang ve leh. 

Festival buahtsaih tur hi ruahman angin thil a kaltluang lo hle. August 16-18-a neih tura ruahman ni mah se a hun pawh hi sawn a ni mai thei nia sawi a ni a, hei bakah hian a neihna tur hmun hi NewYork aṭangin Columbia, Maryland-a Merriweather Post Pavillion-ah sawn tum mek a ni. Howard County official leh Woodstock 50 organiser-ten an buaipui mek.  

Merriweather Post Pavillion amphitheater-ah hian mi 20,000 chin an leng. A tirah chuan festival organiser-te chuan Woodstock 50 hmang hian mi 1,50,000 vel an pungkhawm an beisei a, mahse ruahmanna a kaltluan loh chhoh zel avangin tel tura an beisei zat pawh a tlahniam tawh hle. Tun thla tir lam khan production partner Virgin Produced pawhin festival aṭanga a inhnuhdawh thu a sawi a, hemi hma hian financier Dentsu Aegis leh proudcer Superfly pawhin project hi an lo chhuahsan tawh bawk.