Kelly Clarkson-i'n Billboard Music Awards a host leh dawn

American Idol hmasa ber Kelly Clarkson chu Billboard Music Awards 2020 host tura puan a ni leh ta a, vawi thumna atan BMA hi a host leh dawn.

Kelly Clarkson hian nikum leh kum hmasaah khan he award semna hi a lo host tawh bawk a ni. 

Clarkson chuan, "Billboard chhungkuaa ka let leh tur hi ka lawm hle a, he award semna huna kan milarte zinga ka tel leh thei tur hi ka lawm hle a ni," tiin a sawi. 

Kum 2017 khan Billboard buatsaih tho Billboard Women in Music-ah Kelly hian 'Powerhouse Award' chawimawina a lo dawng tawh a ni.  

Billboard Music Awards 2020 hi April 29 hian Las Vegas-a MGM Grand Garden Arena-ah sem a ni dawn a, American television network, Television broadcasting company (NBC) chuan live-in a pechhuak ang.

Billboard Music Awards hi kum 1990 aṭang khan sem ṭan a ni a, mahse 2006 khan chawlhsan zuai niin Kum 2011 aṭang khan kumtinin May thlaah an sem chhunzawm ziah a ni.

Kelly Clarkson hi BMA a zawna kum thum host emaw co-host emaw thei pathumna tur a ni dawn a,  Comedian Kathy Griffin chu 1998-2000 khan co-host lo ni tawhin Rapper Ludacris pawh 2014-a a host hnu khan a hnu kum thum chhung kha co-host a nih chhunzawm bawk.