BSUP Complex tana vehbur khawn sem

Durtlang Leitan Ram­thar venga Basic Service to Urban Poor (BSUP) complex-a July 2 zana lei tawlhin building a hnawl vanga chhiat tawkte ṭan­pui­na pawisa tling khawm chu nimin tlaiah khan JH Lallungmuana, Secretary, MDM kaih­hruainain Zonet office-ah sem a ni.

July 9 zanah khan MDM, ZONET leh DEL­TA SOUND-te ṭangkawp chuan BSUP a chhiat tawkte tanpuina turin Live charity Concert, Dawrpui Multi Purpose Hall-ah a buatsaih a, he hunah hian MDM atangin zaithiam tak tak te zaiin, Mizoram chhunga mi hming ṭhaten phone call atangin pawisa hi an lo dawng a ni. 

He charity concert atang hian sum Rs 4,85,000 hmuhchhuah a ni a, tanpui ngaite tanpui nana sum thawhtu te chungah Orga­nising chuan lawmthu an sawi a, hetiang hian ṭan­puina hi sem chhuah a ni.