Mizoramah Ignis BS-6 tlangzarh

NEXA Mizoram chuan niminah khan Millenium Centre kawtah Ignis BS-6 a tlangzarh.

Maruti-Suzuki car siam Ignis BS 6 chanchin sawitu Lalrawngbawla chuan April 1 atangin India ramah lirthei siamtu company hrang hrangin BS 6 hmang chauh an hralh thei tawh dawn a, hemi avang hian lirthei man pawh a san phah vek ang. Ignis thar hi Rs 6000 chauhin a hlui aiin a to va, Mizoram kawng nena inmil tak a ni bawk a ni, a ti.

Nexa Aizawl chief executive officer John Lalpeka chuan Ignis BS 6 an tlangzarh mai piah lamah Maruti-Suzuki car hrang hrang pawh BS 6 atan a inpeih tawh tih a sawi a, March 2019 aṭangin Mizoramah Ignis zawrh chhuah a ni a, chawhrualin thla tin 50 vel an hralh chhuak.

Nexa Aizawl chuan Ignis BS 6 hi 15 a hralh chhuak nghal a, Rs 4,89,268, Rs. 5,74,789, Rs. 597268 leh Rs. 6,80,846 mante a awm a ni.