Rosé solo MV chhuah hun tur a hriat ta

Blackpink member Rosé solo debut music video tihchhuah hun tur chu Blackpink chuan an puangzar ta.

Thawhṭanni khan Blackpink chuan an twitter kaltlangin Rosé music video tlangzarh hun tur hi an puang a, thlalak pahnih tweet-in ROSE 2021.03.12 tih an ziak a, March 12 hian Rosé music video thar kan thlirin kan ngaithla thei tawh dawn niin a lang.

A hla tihchhuah thar tur title hi hriat a la ni lo a, thlalak pakhat an dah chhuahah chuan fiah vak loin 'No Way Out' leh 'You Are Now...' tih inziak a hmuh theih a, hei hi a hla thar hming tur pawh a ni mahna! Blackpink-in livestream concert The Show an neihnaah khan Rosé hian show an neih hma lawka teaser trailer a tihchhuah 'Gone' kha a perform a, hemi music video pawh hi a ni thut mai thei zawk a ni.

Blackpink hi kar hmasa khan Climate Change Conference, November thlaa neih turah Goodwill Ambasaddor atan ruat an nih thu puan a ni bawk.