MusiCares Grammy Week Concert-ah BTS

Recording Academy chuan K-Pop superstar BTS chu MusiCares’ Music on a Mission virtual concert-ah an perform dawn tih an puang.

K-pop super group hi  H.E.R., John Legend, Haim leh Jhene Aiko-te kiangah an perform dawn a ni. Anni hi Grammy-a best pop duo/group performance award dawng thei dinhmuna ding mek an ni a, Dynamite vangin tunhnaiah khawvelin a duh lehzual bawk a, an thawm a ri deuh reng mai dawn niin a lang.

Kar hmasa lawk pawh khan MTV Unplugged-ah an lo inlan tawh bawk a, minute 30 chhung show beng leh mi titlai tak khawvel an entir avanga media hrang hrangin an bawh luai luai mek laiin MusiCares concert-a an inlan tur thawm hi a rawn ri leh ta a ni.