Lady Gaga-i'n hla thar a tichhuak hnai

Lady Gaga chuan Thawhlehni khan a single thar 'Stupid Love' a tichhuak ṭep tih sawiin, Zirtawpni zan zanlaiah a tichhuak dawn tih a tweet.

'Stupid Love' hi a album thara mi tur a ni a, a fan-te an phur tawh hle. A Star is Born-a a chan hnu khan Gaga hi a reh vang vang a, 'Stupid Love' hi a hla tihchhuah leh hmasak ber tur a ni. 

Lady Gaga, a hming tak Stefani Joanne Angelina Germanotta hi kum 33 a ni ve tawh a, studio album panga tlangzarh tawhin, 2016 hnuah khan album a la tichhuak leh lo a, tunah erawh album thar tichhuak turin a inbuatsaih mek a ni. Grammy award 11 lai la thei a ni a, a hla thar tihchhuah tur pawh hi a hit leh hle ang tih a rinawm.