Modi lakluh inkhawmah Bollywood star rual

Narendra Modi chu Ningani zan khan a term hnihna atan India Prime Minister atan lakluh a ni a, he hunah hian Bolly­wood star-te an tel ṭha hle. 

Lakluh inkhawm neih­na Rashtrapati Bhavan tual zawlah mi 6,000 vel zet an pungkhawm a, chung zingah chuan - Karan Johar, Kangana Ranaut, Shahid Kapoor leh a nupui Mira Kapoor-te pawh an tel. Anni bakh hian - Sushant

Singh Rajput, Rajkumar Hirani, Rakeysh Omprakash Mehra, Aanand L Rai, Anil Kapoor, Abhishek Kapoor leh Boney Kapoor-te chu an langsar viau bawk a, Nita Ambani leh Mukesh Ambani-te chuan Mumbai aṭangin New Delhi an pan ve bawk. 

Lok Sabha MP inthlan neih zawh takah khan Bollywood star tling an awm nual a, Sunny Deol chu hming langsar a ni. Sunny Deol hi Gurdaspur, Punjab aṭangin BJP ticket-in thlan tlin a ni a, Modi-a minister zingah erawh a la tel pha lo. 

Kum 62 mi Sunny Deol mai piah lamah hian - Indian actress Hema Malini leh Kirron Kher-te chu thlan tlin zingah an tel a, 'Sholay' star Hema Malini hi Mathura bial aṭangin BJP ticket-in a tling a, Kirron Kher pawhin Chandigarh bialah BJP ticket-in hnehna a chang bawk. 

Hetih lai hian Urmila Mantodkar, Prakash Raj leh Poonam Sinha-te chu MP nih tum zinga hlawh­chham langsar zual an ni.