Champions League final-ah Imagine Dragons an perform

Inrinni zan khan football-a inelna ngaihhlut ber pakhat, Champions League final chu Wanda Metropolitano Stadium, Spain-ah khelh a ni a, he hunah hian Imagine Dragons-te an che pui rem rem hle. 

American pop rock band hian match ṭan hmain stadium chhunga mipui pungkhawm zaiin an awi a, boruak a nung ṭha hle. Entu mipui thawm pawh a ring ṭha hle a, stadium chhung boruak a 'hot' tih loh rual a ni lo. Imagine Dragons hian an hla hit pali an medley a, chung zingah chuan 'Thunder' pawh a tel. 

Imagine Dragons inlan tur thu hi PepsiCo senior director, global entertainment and music Ellen Healy chuan a lo puang tawh a, UEFA nen ṭangkawpa an thlan a nih thu a sawi. Football fans sing tam tak zingah Imagine Dragons ngaisangtu an ṭhahnem hle tih a hriat a, an sakpui dual dual thei. An vocalist Dan Reynolds ­chevel a hmuhnawm a, an mahni ṭawiawm­tute an hmuhnawm tak zet. Minute 10 vel chhungin zai leh lam hmuhnawm tak an entir a ni. 

Champions League final-ah hian Alicia Keys chu kum 2016 khan a lo perform tawh a, a kum lehah Black Eyed Peas-te an inlar leh bawk. Nikum khan ULC chanchina club hlawhtling ber Real Madrid leh English club hlun Liverpool-te chuan final an khel a, he hunah hian English singer Dua Lipa chu ropui takin a lo inlan tawh bawk a - kuminah erawh Imagine Dragons hun a thleng ve ta. 

Imagine Dragons hian an album ringawt pawh copy makta­duai 12 chuang an hralh a, Champions League final-a inlan tura thlan an ni pawh hi a awm hle.