Mamit-ah trash bag challenge

Swachh Bharat Mission hmalakna hnuaiah UD & PA leh LENS ṭangkawp chuan kar kalta Inrinni khan Mamit-ah Trash bag challenge chu an buatsaih a, he hunah hian bawlhhlawh then thianghlim beihpui an thlak a, field leh kawngpui kam an thianfai a ni. 

Inkhawm tawite neiin LENS Secretary KTC Lalrinchhana'n a kaihruai a, District Urban Development Officer (DUDO) HD Lalpekmawia chuan, district khawpui fai ber an lo nih tawhna avangin fai ber nih tum turin kalkhawmte thu a sawi a, bawlhhlawh bawmah zel paih turin leh Plastic lam chi reng reng hmang tlem turin Mamit mipuite a chah.