LBS Suzuki Gixxer SF 250 leh 150 an tlangzarh

LBS Suzuki chuan tun hnaia Suzuki bike chhuak thar, Gixxer SF 250cc leh 150cc-te chu June 31, Inrinni khan official-in an tlangzarh ve ta. 

Bike thar tlangzarh inkhawm hi Zarkawt Recreation Centre-ah neih a ni a, Vanneihthanga leh Vanlalmuana-ten Mizorama zawrh chhuah turin Suzuki motorcycle thar pahnih hi an tlangzarh a ni. 

LBS Auto Division hian Suzuki Gixxer SF 250 leh SF 150 an tlangzarh rual hian India rama award an lak leh an hlawhtlinnate an lawm nghal a, an bike chhuak thar lei hmasate hnenah thilpek an hlan bawk. 

Mizoram Infobikes hruaitu Muantea chuan ṭhalaite duh turin Gixxer SF 250 leh Gixxer SF 150 chu siam a nih thu sawiin, a bikin a engine a ṭhain a changkang a, thiamna sang taka thuam a nih thu a sawi. 

May 20, 2019 khan Delhi-ah All India Suzuki Dealers Meet a awm a, LBS Suzuki-te hian award pali - All India Highest Market Share, Zonal Best Volume, Zonal Highest Value Showroom leh Zonal Best Warranty an dawng a, Managing Director Ngurdingliana chuan LBS Group aiawhin a dawng a ni. 

India ramah Suzuki two-wheeler zuartu lian chin, company network 569 an awm a, LBS Suzuki hi hralh tam 10-na an ni. East Zone - Bihar, Jharkhand, West Bengal leh Northeast bikah hralh tam ber an ni bawk a, kum kalta chhung khan chawhrualin thla tin 600 hralh ziah ang an ni.

Kumin May thla chhung khan Bawngkawna an showroom aṭangin 844 zet an hralh a, Aizawl-ah 671 leh Aizawl pawna sub-dealer aṭangin 173 an hralh chhuak a ni. LBS Group hian hmasawn zel tumin theihtawp an chhuah chho mek a, Mizorama Japanese oil 'Idemitsu' distributor thar an ni. Two-wheeler hlui leh thar thleng theihna Best Value Showroom & Servicing Station thar an hawng bawk.