Vogue Italia káwm mawitu Lana Del Rey

Vogue Italia chuan American singer lar Lana Del Rey chu June cover girl atan an hmang a, a bu chhung­ah a chanchin ngaih­nawm tak chhiar tur a awm. 

Lana Del Rey hian interview-ah a poetry book chungchang a sawi lang a, a peihfel hnai tih a tarlang. Instagram lamah pawh a tarlang a, nghah rei a ngai vak tawh dawn lo a nih hmel hle. 

Lana Del Rey hian a poetry book hi hun eng emaw chen aṭang khan a lo buaipui tawh a, tha leh zung pawh a seng hnem tawh hle. Vogue Italia a hrilh dan chuan a poetry book hi release mai theih­in a peihfel tawh. 

Kum 33 mi Del Rey poetry book hi 'Violet Bent Backwards Over The Grass' tih a ni a, ama irawm chhuak hla hrang hrang dah a ni. Hemi atan hian thla 13 chhung vel zet chu a ngaihtuahna a lo seng tawh a, belhchian pawh a dawl leh viau dawn a ni. 

Del Rey hian lehkhabu a ziak nual tawh a, tuna a buaipui mek pawh hi social media lamah chuan a lar leh tawh hle. Vogue magazine hi vawiin hian a chhuak dawn a, Lana Del Rey hmachhawp hrang hrangte pawh chhiar tur a awm dawn a ni.