PUMA 'She Moves Us' campaign-ah Dua Lipa

Athletic brand Puma chuan Thawhṭanni khan 'She Moves Us' theme an tlangzarh a, hetah hian Dua Lopa leh hmeichhe lar tak tak eng emaw zat an inlan.

Puma hian kumin chhung hian hmeichhe rilru lak an tum hle niin a lang a, Thawhṭannia video an tihchhuahah pawh hmeichhe hrang hrang inlanin Dua Lipa 'Electricity' chu play-in Winnie Harlow, Cara Delevingne, Skylar Diggins-Smith, June Ambrose, Lauren London, Nicole McLaughlin leh Bethany C. Meyers bakah milar dang eng emaw zat an inlan a ni. Dua Lipa in-pose vel pawh hmuh tur a awm nual.

Dua Lipa leh Puma hian nikum November thlaah khan inremna an siam a, chutah chuan kumina an kalpui tur 'She Moves Us' campaign headline a ni dawn tih hi an lo puang tawh a ni.

'She Moves Us' campaign atan hian Puma chuan mipa leh hmeichhe intluktlanna kawnga pawl langsar tak Women Win an thawhpui a, he campaign hnuaiah hian Puma chuan an hmeichhe ambassador neihte hlawhltinna kawng an puang chhuak dawn a, eng ang chona nge  an hmachhawna eng harsatna nge an paltlang tihte an tarlang ang.