Reggae legend Bunny Wailer a thi

Reggae music huang chhunga mi pawimawh tak Bunny Wailer chu Thawhlehni khan kum 73 mi niin a thi.

Bunny Wailer hian kum 2018 kum tawp lamah khan stroke a nei a, chumi vang chuan ṭawng a hatsat hle. Nikum July thlaah khan stroke nei nawn lehin damdawi-in panpui a ni a, hetah hian hun eng emaw chen enkawl a nih hnuah Thawhlehni khan a thih thu puan a ni ta a ni.

Wailer hi  Kingston, Jamaica mi niin The Wailers band din chhuak­tu zinga mi a ni a, naupang an nih lai aṭangin Bob Marley nen an inkawm ṭhin a, an pahnih hian reggae music an larpui zui hle nghe nghe. Grammy award pathum lai a dawn bakah kum 2017 khan Jamaica Order Of Merit hlan a ni bawk.