Gupshup Music Award-ah MDC an perform

Mizo Dance Camp (MDC)-te chu 94.3fm Radio Gupshup Music Award-ah an perform a, lawm an hlawh hle.

Gupshup Music Award hi February 23, Inrinni khan Srimanta Sankaradeva International Auditorium, Guwahati-ah sem a ni. 

Gupshup Music Award hi North East pum huap niin, music award ngaihhlut tak pakhat a ni. He hunah hian Bollywood singer larte pawh an inlan a, hmarchhak huam chhunga musician leh artist hlawhtling tak takte an fuankhawm a ni. 

He hunah hian Mizo Dance Camp-te pawh inlanin, member 16 zet an zuk thawkchhuak a ni. MDC-te hian Alan Rinawma choreography an perform a, lam hmuhnawm tak an entir a ni. 

MDC team hian lawm an hlawh hle a, minute 14 zet hun an hmang a ni. Sap hla leh vai hla-ah an lam a, Mizo zia tilang thei tur an inbel bakah, an lam kar lakah hian Cheraw an zep tel a ni.