Gospel United Mizoram Chhungkaw 13 hnenah ṭanpuina Rs.150,000 an hlan

Pathian fakna hla sa intel khawm Gospel United Mizoram chuan, nikum December thlaa Charity Concert an buatsaih aṭanga an sum hmuh chhuah Rs.150,000 chu Home pahnih leh chhungkaw 13 hnenah an hlan. Ṭanpuina hi Krismas leh kum thar vuak vet khan an hlan a ni.  

Gospel United Mizoram chuan mi thilphal leh inpe-te avanga lungchhuak thei an nih thu sawiin, mi chanhai zawkte tana petute chungah thinlung takin lawmthu an sawi a ni.

Gospel United hian March 8 hian Sports neiin, March 12 zanah Give Back hun hman a tum bawk. He hunah hian a thlawnin ei tur an sem dawn a, a remchan dan ang zelin Pathian thu leh zaia Pathian fakin rawngbawlna hun an hmang dawn a ni.

 

Kumin chhung hian Kohhran hrang hrang ṭhalaite zingah leh zirna-in hmun liah rawngbawlna nei a hun hmanpui an tum a, October 28-ah Vanapa Hall-ah Gospel Music Festival 2019 an butsaih dawn bawk.