Kids' Choice Award Nominee puan a ni ta DJ Khaled-a'n a host dawn

Kum tina sem ṭhin Kids' Choice Award chu March 23 hian sem a ni leh dawn a, nominee pawh puan a ni leh ta. Award dawng thei tura chhawpchhuah zingah hian - TV Show, Movie leh Music lam 'lar chin'-te chu an langkim thawkhat hle a ni. 

Kids' Choice Award hi Ame­rican record producer lar DJ Khaled chuan a vawi khat nan a host dawn a, a boruak a hot ṭan der tawh. DJ Khaled hi award dawng thei tura chawpchhuah zingah a tel bawk a ni. 

Kids' Choice Award hi cate­gory pathum - TV Show, Movie leh Music-ah te ṭhen a ni a, category tin hi ngaihnawm tur tak tak vek an ni. TV Show lamah hian The Big Bang Theory a langsar a, movie lamah Avengers: Infinity War chungnungin, music huangah chuan Cardi B, Shawn Mendes, Drake leh Imagine Dragons-te an langsar thung. 

Movie lamah hian tun lai film lar ho chu an kim thawkhat hle a, animation lamah pawh a ṭha ber ber an lang. 'Favorite Movie' category-ah hian - Aquaman, Avengers: Infinity War leh Black Panther te chu bik rit tur an ni a, Mary Poppins Returns, The Kissing Booth leh To All the Boys I've Loved Before-te an lang bawk. 

Favorite Movie Actor atan - Chadwick Boseman, Chris Evans, Chris Hemsworth, Dwayne 'The Rock' Johnson, Jason Momoa leh Noah Centineo ten award an inchuh dawn. Hmeichhe lamah chuan - Emily Blunt, Joey King, Lupita Nyong'o, Rihanna leh Infinity War star Scarlett Johansson leh Zoe Saldana-te chu Favorite Movie Actress dawng thei tura chhawpchhuah an ni. 

Superhero lamah pawh - Chadwick Boseman, Chris Evans leh Chris Hemsworth-te an langsar a, Jason Momoa leh Robert Dow­ney Jr. bakah Scarlett Johansson-te an an langsar viau bawk. 

Animation lamah hian - The Grinch, Hotel Transylvania 3: Summer Vacation leh Incredibles 2-te chu award dawng tura rin kai an ni a, Peter Rabbit leh Spider-Man: Into the Spider-Verse sawi bo theih an ni lo bawk. Ani­ma­tion movie-a aw thawhtu zing­ah - Gal Gadot, Hailee Stein­feld  leh Selena Gomez-te chu a buk rit tura ngaih an ni bawk. 

Favorite Music Group cate­gory-ah - The Chainsmokers, Imagine Dragons, Maroon 5 leh Migos-te an langsar a, Twenty One Pilots an la awm cheu bawk. Bruno Mars, DJ Khaled, Drake, Justin Timberlake, Luke Bryan leh Shawn Mendes-te awmna Favorite Male Artist chu category ngaihnawm tur a ni. 

Ariana Grande, Beyonce Knowles, Camila Cabello, Cardi B, Selena Gomez leh Taylor Swift-te chuan Favorite Female Artist award an inchuh dawn bawk. Favorite Song atana chawpchhuah-te chu - Delicate (Taylor Swift), In My Blood (Shawn Mendes), In My Feelings (Drake) leh Thank U, Next (Ariana Grande)-te an ni a, award dawng tur ber rin thiam a harsa hle. 

Favorite Breakout Artist award dawng thei turte pawh an hrawl hlawm hle a - Billie Eilish, Cardi B, Dan + Shay, Juice WRLD, Kane Brown leh Post Malone-te an ni nawk. Favorite Collaboration huangah - Girls Like You (Maroon 5, featuring Cardi B), Happier (Marshmello, featuring Bastille) leh I Like It (Cardi B, Bad Bunny, J Balvin)-te an lang a, Meant to Be (Bebe Rexha, featuring Florida Georgia Line) leh No Brainer (DJ Khaled, featuring Justin Bieber, Chance The Rapper, Quavo)-te an la awm cheu bawk. Heng bakah hian Favorite Social Music Star leh Favorite Global Music Star-te chu category ngaihven hlawh tur an ni. 

The Big Bang Theory chu Favorite Funny TV Show category-ah langin, Favorite Reality Show-ah America's Got Talent, American Idol, American Ninja Warrior, Dancing with the Stars: Juniors leh The Voice-te chu buk an ni thung ang. 

Favorite TV Host award dawng thei tur zingah - Ellen DeGeneres leh Kevin Hart-te an langsar a, American Idol host Ryan Seacrest thawm a ring viau bawk. Favorite TV Judges huangah - Simon Cowell chu mimala langsar ber a ni a, a ṭhutpui Melanie Brown, Heidi Klum leh Howie Mandel-te nen award an la thei angem tih chu hriatin a awm thuai dawn a ni. 

Nickelodeon Kids' Choice Award hi a ṭum 32 nan March 23 khian Los Angeles, California-ah sem a ni ang.