Zaninah Chapchar Kut Urlawkna Chapchar Music Festival

Kum tina Chapchar Kut hma zana neih ṭhin tura darBu Events-in an ruahman, Chapchar Music Festival chu zanin dar 7:00 hian FM Resort, Chite lei bulah ṭan a ni dawn.

Live music hlangin ri­mawia tuihal Mizo ṭhalaite tan hun buatsaih a ni dawn. Zai turte hi Mizorama 'top' tling ṭhiau an ni ang.

Evenflow, Scavenger Project, Empee's (Dream Hunter Muanpuia), Jeff & Empy, Stacy's Peni­tence, This Chord leh Mood Swin­­gers-te zai i ngaithla thei dawn. Entry Rs 200 a ni a, a hmun­ah lak theih a ni ang.

Rimawia tui Mizo ṭha­­laite tan 'nghahhlelh tur' rimawi kutpui a awm meuh lo, he rimawi in­tawh khawm hi kum tina buatsaih a, tihlen deuh deuh an tum thu darBu Events hotupa Fredy Ngila chuan a sawi.