Bella Thorne leh a bialnu an inṭhen!

American actress Bella Thorne chu mipa tam tak aia a thlan hmeichhe YouTuber lar, Tana Mongeau nen an inṭhen! Bella Thorne hian a hmeichhiatpui a kawp avangin sawiselna pawh a tawk nasa hle a, an inṭhen thu pawh hi a darh chak hle a ni. 

Kum 21 mi Bella Thorne leh Tana Mongeau (20)-te hi kum khat vel ren rawn chu an inzui hman a, a tawpah erawh an kehdarh ta nge nge a ni. Bella hian social media lamah zawhna a dawng hnem viau a ni awm a, nimin khan an inṭhen thu hi a puang chiang ta a ni.

'Midnight Sun' star chuan, "Tana nena kan inkar chu a tawp ta - khawngaihin zawhna min zawt tawh suh u. Ka nun zawng zawng min thlak sak a, sawi zui pawh ka duh tawh lo - a chhe lam erawh a ni lo," tiin a tarlang a ni. 

Bella Thorne leh Tana Mongeau-te hian mipa kawppui dang an nei ve ve tho avangin dem an hlawh hle a ni. Bella Thorne hi American rapper Mod Sun nen hun eng emaw chen chu an inzui tawh a, hetih lai hian rapper ni bawk Tana Mongeau pawh hi YouTuber Brad Sousa nen an inzui a ni.