The Highland Voice Zaninah Grand Finale

February 6 aṭanga ṭan sap hla hmanga intihsiakna 'The Highland Voice' chu zanin hian Grand Finale neih a ni dawn ta. Folkland Park-ah neih a ni ang a - finalist mi 14-te an inlan dawn a ni. 

The Highland Voice hi February 23, Inrinni zan khan top 10 result puan a ni a, contestant an ṭhat tlan em avangin mi 14-ten final an lut a ni. Heng mite hi zanin hian an intihsiak leh ang a, a ti ṭha zual top 5 thlan a ni ang. Heng a ti ṭha zualte hi U.K-ah a thlawnin an zin thei dawn a, reality show lar X-Factor-ah an inlan theih nan hma lakpui an ni bawk ang.  

Finalist zingah hian Zo­ram mipuiin an zai kan lo ngaih­thlak fo tawh leh, lar tak tak te pawh an awm nuk a ni. Chung zingah chuan -  Lawmi Khiangte, Lalnunpuii Hauzel, R. Lalhmangaihzuali (Zual­boihi) leh Lalruatpuii-te pawh an tel a, Mizoram Talent Hunt 2018-a pakhatna Josephine Lalruatfeli pawh a la awm cheu bawk.