Priscilla Fanai Music video tlangzarh a ni ta

Music video a shoot dawn avangin KV Paradise, Durtlang pawh hun eng emaw chen khar a ngai hial a, a nep thei lo. Priscilla Fanai chuan uluk taka a siam a music video thar 'Ka duh leh duh loh' chu Thawhṭanni zan khan a tlangzarh ta. 

He hla hi Lal K Sailo phuah a ni a, music track hi ama kutchhuak tho a ni a, belhchian a dawl leh pek hle. Video hmuhnawm tak hi Blue and Yellow Production kutchhuak a ni a, shooting hi an uluk hle. Make-up artist hi Hlua Chhakchhuak (Style and Go) a ni a, a kuthnu a mam ṭha hle. Choreographer an nei thlap bawk a, Alan Rinawma (Mizo Dance Camp) chuan a thiam thil a show ve bawk. Designer hriat hlawh tak Escape Engmawia a la inrawlh cheu bawk a, model leh dancer-te hmuh an nuam takzet. 

Model-te hi a tam zawk chu tual­chhung mi an ni hlawm a, Mister India Navleen Singh an chah lut bawk. Mizo Dance Camp-ten lam hmuhnawm tak an entir a, hei hian he music video hi a tihlu zual hle a ni. Priscilla Fanai music video thar 'Ka duh leh duh loh' tih hi zanin hian Zonet-ah tihchhuah a ni dawn a, MDM YouTube channel lamah pawh hmuh tur a awm thuai dawn a ni.