CYMA Lengkhawm Zai Zaninah a thiam 10 a hriat dawn

B. Daniala Memorial Inter Branch YMA Lengkhawm Zai Intihsiakah branch 39 an tel a, zanin hian preliminary round a zo dawn. CYMA chuan Zonet leh LPS 'scroll' kaltlangin final round lut branch 10 an puang zui ang.

Zanin hian inelna hi dar 8:30-ah CYMA Hall, Tuikhuahtlangah neih chhunzawm a ni ang a; Ramhlun South, Hunthar, Model Veng, Luangmual, Tuikhuahtlang, Chaltlang leh Mission Veng YMA-te an zai ang. Intihsiakna hi Zonet Bawhbel-ah live a pekchhuah tur a ni.

Final Round hi June 7, Zirtawpni zanah neih neih tur a ni. Lengkhawm zai intihsiakna hi CYMA hnuaia Sound & Music Sub-Committee-in an buaipui a, lawmman atan a sum faiin Rs 2,45,000 an sem ral dawn. YMA thil tum leh dinchhan pathum zinga pakhat chu 'hunawl hman ṭhat' a ni a, tun ṭum inelnaah hian hun an vawng dik a, felfai taka an kalpui avangin inelna buatsaihtute an fakawm hle. CYMA buatsaih lengkhawm zai intihsiak hi K. Lalbiakthanga, RL Zo­mawia leh C. Vanlalvuana-ten an endik a ni.