Rapper zinga billionaire hmasa ber

Forbes Magazine chuan American rapper Jay-Z chu rapper zinga billionaire hmasa ber a nih thu a puang ta rup mai. Jay-Z hi a hming tak chu Shawn Corey Carter a ni a, a hausakna hi US Dollar tluklehdingawn khat a tling a, a nupui Beyoncé nena an hausakna bel khawm chu $tld 1.4 zet a ni. 

Jay-Z hi rapper zinga official-a billionaire-a puan hmasak ber a ni a, record duhawm tak a siam. A hausakna hi tun hnai kum eng emaw ti chungin nasa takin a pung a, billionaire a nih theih chhanah hian a nupui Beyoncé hming a langsar viau bawk. 

Jay-Z hi rapper zinga hriat hlawh leh lar berte zinga mi a ni a, sum pawh a lalut hnem hle ang tih a rinawm. Chutih rual chuan billionaire dinhmun meuh luah tur chuan hun a mamawh rei a, Jay-Z pawh hi kum 49 mi a nihin a billionaire chauh. 

Billionaire a nih theih nan hian Beyoncé chuan kawngro thui tak a su a, an nupa-a tour an neih aṭangin sum ṭhahnem tak an lalut. The Carters hian 'On the Run II Tour' an nei a, khawvel hmun hrang hrang an fang. Heta 

ṭanga an sum lakluh hi $mtd 253.5 zet a tling a ni.  

Jay-Z hian kum 1994 khan a album hmasa ber 'Reasonable Doubt' a tichhuak a, 2001 khan 'The Blueprint' an tichhuak leh bawk. 

Jay-Z sum lakluhna hnar ber chu music industry a ni a, music streaming service 'Tidal' aṭang ringawt pawhin $mtd 100 zet a lalut a ni. Armand de Brignac champagne leh D'Usse cognac-te chu a sum hnar pawimawh tak a ni bawk a, $mtd 410 zet a lalut a ni. Hei bakah hian Uber aṭanga a share aṭangin $mtd 70 vel lalut anga chhut a ni bawk. 

Dr. Dre an pawm lo! 

American rapper lar Dr. Dre hi kum 2014 daih tawh khan billionaire-ah puan a lo ni tawh a, mahse hei hi Forbes chuan an pawmpui lo! American business magazine lar Forbes hian Dr. Dre hausakna hi $mtd 770 vel chauhin an chhut sak a, hei vang hian billionaire-ah an pawm lo. 

Kum 54 mi Dr. Dre hi Apple nena inzawmna thuk tak nei an ni a, Beats headphone chu company hian an leisak a ni. Hemi hnu hian billionaire-ah chhal a ni a, amaherawhchu, official-in engmah puan a ni lo a - Jay-Z chu rapper zinga billionaire hmasa ber atan pawm a ni ta zawk a ni. 

Luxury champagne brand Armand de Brignac-ah 100% neitu nihna a nei a, D'Ussé cognac-ah share a nei bawk. Heta aṭanga a sum lakluh hi $mtd 410 zet a ni. 

Music streaming service Tidal aṭangin

- $mtd 100

Uber & other investment 

- $mtd 220 

Music industry aṭangin 

- $mtd 250

Real estate 

- $mtd 50 

Art 

- $mtd 70