Lady Gaga leh Carino an inṭhen chiang

Lady Gaga chuan hun rei tak chhung a lo kawp tawh, Christian Carino nen an inṭhen tih a puang chiang ta. 

'A Star is Born' actress Lady Gaga leh Christian Carino-te hi February khan an inṭhen a, an inhulana pawh an titawp nghal tih media hrang hrangten an tarlang. An inṭhen thu hian titi a luah hneh hle a, amaherawhchu, anmahni lamin official-a puan an neih loh avangin hun eng emaw chen chu rinhlelhna a awm. 

Hetiang a nih mek lai hian Lady Gaga hian tun Pathianni khan Las Vegas-ah show a nei a, hemi ṭum hian Christian Carino nena an inkar hi a sawi chhuak ve ta nge nge a - an inṭhen thu leh inhualna pawh an titawp tih a rawn nemnghet ta a ni. Tun hi an inṭhen tih thawm a awm hnua an inkar a sawi chhuah vawi khatna a ni bawk. 

Kum 33 mi Lady Gaga hi Grammy Award-ah pawh khan amahin a inlan a, engagement ring pawh a bun tawh lo. Carino leh Gaga-te hi kum hnih vel an inzui hnuah nikum khan an inhual a, an innei mai dawn emaw tih laiin February thla khan an inṭhen leh ta si a ni. Lady Gaga hian American actor Taylor Kinney chu a lo inhualpui tawh bawk.