Mawitei hla thar 'Thil pek hlu'

Ṭhazual Fakna chart-a No.1 luah mektu Mawitei Ralte chuan hla thar a tichhuak a, 'Thil pek hlu' tih a ni.  

Mawitei hian a hla thar hi hun eng emaw chen aṭang khan a lo buaipui tawh a, Blue Wave-te'n an produce a ni. 'Thil pek hlu' tih hla hi Isack Sailo phuah a ni a, a satu aw nen pawh a inmil hle. A hla hi hla nem no nalh tak a ni a, a bridge erawh nawr ve deuh dat ngai a ni thung. Music hi acoustic rimawi leh pedal steel, guitar slide lam riin a chawm mawi em em a, ngaithlak man hla tak a ni.  

Music leh recording hi Blue Wave kutchhuak a ni a, video erawh One Vision siam sak a ni thung. One Vision hi music video siam lama sulhnu nei ṭha berte zinga mi Siama (SVP) kaihhruaina hnuai a awm an ni a, mipui mit hmuhah an rawn inlar leh ṭan mek. 

Mawitei hian hmachhawp a nei nual a, Rev. Zoramsanga hlate pawh an buaipui chho leh mek a ni. Hla lehlin lam pawh tihchhuah turin a buaipui chho mek bawk. Mawitei Ralte music video thar 'Thil pek hlu hi' hi Zonet-ah tihchhuah a ni a, Blue Wave Records/One Vision YouTube channel-ah en tur a awm tawh bawk.