Dua Lipa leh Isaac Carew an inban

British singer Dua Lipa chu a bialpa Isaac Carew nen an inṭhen ve leh ta tlat mai. Isaac Carew nen hian thla 18 vel zet chu an inzui hman a, a vawi hnih nan an in 'break' leh ta a ni. 

Kum 23 mi Dua Lipa leh Isaac Carew (33) te hi kum 2013 khan a vawi khat nan an intawng a, kum eng emaw chen an inzui. Kum nga dawn a vei hnu 2017 khan an inṭhen a, inṭhen hlen lam erawh a lang lo. January 2018 khan bul an ṭan ṭha leh a, rei erawh an daih leh ta chuang lo. 

Isaac Carew hian kar liam ta khan Dua Lipa hi Instagram lamah a unfollow-a, hei hian an inkar a khi tih a tilang. Ni tam pawh a vei hmain an inṭhen thu hriat tur a awm zui ta nge nge a, an mahni lam chuan thuchhuah an la nei lo thung. 

An ṭhian hnaite chuan Dua Lipa hi a buai hle tih an sawi a, hmun hrang hrangah zaiin a feh chhuak a, duh angin hun pawh an hmangdun tam thei lo tih an sawi. Hei vang hian buaina neuh neuh an nei a, a tawpah a puak chhuak ta nge nge a ni, an ti. 

'New Rules' singer Dua Lipa hian a album pahnihna tur a buaipui mek a, American singer lar Pharrell Williams nen hla thar an buaipui mek bawk.