ATEYU-in hla thar pahnih an tichhuak

California metaller Atreyu chuan hla thar pahnih 'Warrior' leh 'Underrated' an tichhuak a, streaming platform hrang hrangah ngaihthlak theihin a awm.

'Warrior'-ah hian Blind-182 drummer Travis Baker an thawhpui a, heng hla pahnihte hi nikum September thlaa 'Save Us' an tihchhuah hnua an hla tihchhuah leh hmasak ber a ni a, an vocalist Alex Varkatzas-in an band a chhuahsan hnuah hla pathum an tichhuak ta chiah a ni.

An line-up inthlak chungchangah hian tunhnaiah khan RRBG Podcast-ah an guitarist Travis Miguel chuan band line-up thlak chu thil nuam tak a nih loh thu a lo sawi tawh a, chuti chung chuan single thar erawh an tichhuak thuai dawn tih a lo sawi tawh a, chu chu a takin an chantir ta a ni.

American metalcore band Atreyu hi kum 1998-a indin tawh kha niin studio album pasarih an tichhuak tawh. Kum 2018 khan an album hnuhnung ber 'In Our Wake' chu an tichhuak a, chumi hnuah chuan studio album dang an la tichhuak leh lo.