Jennifer Lopez 'It's My Party' tour a kick-off ta

Jennifer Lopez chuan kar kalta Zirtawpni khan 'It's My Party' tour chu a kick-off ta a, Los Angeles-ah fan sing tel an pung khawm. 

American singer hi a fanu kum 11 mi Emme nen an duet a, mipui lawm an hlawh hle. Kum 49 mi Jennifer Lopez hian hun eng emaw chen a chawlh hnuah tour a rawn nei ve leh ta a, fan lam pawh an phur kher mai. It’s My Party tour ṭan zan hian  Los Angeles khawpuiah mipui an zi luih luih a, an hmuh duh ber chu J.Lo che vel a ni. 

'On the Floor' singer Jenni­fer Lopez hian a thiam a la theihnghilh lo - a che vel a hmuhnawm takzet a, entu mipui thawm pawh a ring ṭha hle. J. Lo hian a fanu zai Instagram lamah a post fo a, tour-ah hian a fanu hi a takin a zai ve ta nge nge a ni. Hei hi an sawizui nasat ber pakhat pawh a ni a, Jennifer Lopez leh a pasal hlui American singer Marc Anthony-te fa Emme hi a nu leh pa hnung zuiin - zai lamah a la tui chho zel dawn a nih hmel hle. 

Jennifer Lopez hi 'It's My Party' tour a neih chhung hian hmun 25-ah a concert dawn a, July 25 khian Miami-ah a hmawr a bawk dawn a ni.