Chris Pratt leh Katherine an innei

'Avengers: Endgame' star Chris Pratt leh Katherine Schwarzenegger-te chuan Inrinni khan an chhungkhat laina leh ṭhian hnai zualte hmaah 'tiam tlat e' an tive leh ta. 

Hollywood hrang hlui Arnold Schwarzenegger-a fanu Katherine leh American actor Chris Pratt-te hi California-ah an inkutsuih a, sawm bikte an tel. Chung zingah chuan Katherine-i nu leh pa - Arnold Schwarzenegger leh Maria Shriver pawh an tel a, Pratt-a fapa kum ruk mi Jack Pratt hmel hmuh tur a awm bawk. 

Kum 39 mi Chris Pratt leh Katherine (29) te hi nikum June thla aṭanga inzui ṭan an ni a, kumin January thla khan an inhual thu puangin - thla tam pawh a liam hmain an innei zui leh ta a ni. Chris Pratt hi 2009 khan American actress Anna Faris nen an lo innei tawh a, fapa pakhat an neih hnuah 2017 khan an inṭhen a ni.