Drake-a EP thar 'Scary Hours 2'

Canadian rapper leh singer Drake chuan a intiam ang ngeiin EP thar 'Scary Hours 2' a 'drop' ta.

'Scary Hours 2'-ah hian track pathum a awm a, chung track-ahte chuan Rick Ross leh Lil Baby-te a thawhpui a ni. EP-a hla awmte chu 'What’s Next', 'Wants and Needs', leh 'Lemon Pepper Freestyle'-te a ni a, 'What’s Next' phei hi chu music video a tichhuak nghal nghe nghe.

'Scary Hours 2' hi kum 2018-a a tlangzarh 'God's Plan' awmna 'Scary Hours' chhunzawmna kha a ni a, a hit leh hle turah beisei ang. Drake hian kumin hian a fan-te tan thil ropui phawrh tur a la nei a, chu chu thla hmasaa tlangzarh a tum a tihkhawtlai leh tak, a studio album parukna tur Certified Lover Boy a ni. He album hi OVO Sound leh Republic Records kaltanga a tlangzarh tur niin nikum August thlaa a single tihchhuah 'Laugh Now Cry Later' pawh kha he album-ah hian a tel dawn nghe nghe.

Kum 2019-ah daih tawh khan Certified Lover Boy a tihchhuah tur hi a lo puangzar tawh a, a fan-te chuan an nghak rei tawh ngat ngat hle a, a tlangzarh thuai pawh a rinawm. Drake hian studio album panga lai a tichhuak tawh a, kum 2018-a Scorpion album a tihchhuah hnuah khan album dang la tlangzarh lo mah se EP erawh nimin khan a tichhuak leh ta a ni. Kum 34 mi lai ni ve tawh Drake hian EP hi pali lai a tichhuak tawh a ni.

1    What's Next

2    Wants and Needs (featuring Lil Baby)

3.    Lemon Pepper Freestyle (featuring Rick Ross)