Justin Bieber 'Hold On'

Beliebers tan thu lawmawm dang a awm leh ta. Justin Bieber chuan nimin khan music video thar 'Hold On' a tichhuak.

Justin Bieber chuan a music video tharah chuan a hmangaih nunna chhanna atan bank-te a rawk hial a ni. Collin Tilley direct music video 'Hold On' hi Bieber-a studio album parukna tur 'Justice'-ah a tel dawn a, "He hla hi beidawng loa bei fan fan tura infuihna hla a ni, a chhan chu mi tam tak chuan beidawn mai hi kan duh chang a awm ṭhin a ni," tiin a hla thar chungchang hi a sawi.

Canadian singer hian March 19 hian a album parukna tur 'Justice' hi a tlangzarh dawn a, nikuma a album tihchhuah 'Changes' hnua a album tlangzarh leh hmasak ber tur niin hla  awm zat tur tak a la tarlang lo a, mahse he album-a mi tur hla eng emaw zat hi chu single-in a tichhuak tawh thung a, a hit hlawm hle nghe nghe.

Nikumah khan  Chance the Rapper a thawhpuina 'Holy' leh  Benny Blanco a thawhpuina 'Lonely' a tichhuak tawh a, kumin kumthar niah tak khan 'Anyone' a tichhuak leh bawk a ni. Heng hlate hi Justice-a mi vek tur hi a ni a, hla dang ṭha tak tak phawrh loh pawh a la nei nual tih a hriat a, chung chu March 19-ah a ngaihthlak theih ang.