Kumin chhunga Bebe Rexha music video hmasa ber

'I'm a Mess' hitmaker chuan nimin khan kumin chhunga a music video hmasa ber 'Sacrifice' a tichhuak a, nikuma Doja Cat nena 'Baby, I'm Jealous' an tihchhuah hnua a music video tihchhuah leh hmasa ber a ni.

Bebe Rexha hian nikum khan 'Baby, I'm Jealous' chiah hi music video a tichhuak nghe nghe a, kum 2018-a 'Expectations' album a tihchhuah bak kha album dang a la tichhuak lo bawk.

Rimawi khawvela huhang ngah ber pawl mah ni se Bebe Rexha hian studio album pakhat chiah a la tichhuak a, single-a hla tihchhuah erawh 20 chuang a nei tawh thung. Kum 2014-a a debut single 'I Can't Stop Drinking About You' a tihchhuah hnuah khan hla dang eng emaw zat tichhuak mah se album siam lam erawh a ngaihsak lutuk lo niin a lang.