F9 tlangzarh hun an sawn hla leh tawh!

Universal Pictures chuan 'Fast and Furious' series thar ber tihchhuah hun tur chu fan-te'n nghakhlel hle mah se 'brake' an rap leh ta a, tlangzarh hun thla khat velin an sawn hla leh tawh. 'Fast and Furious 9' tlangzarh hun hi vawi thum lai an sawn hla tawh a ni.

F9 hi Memorial Day weekend-a tlangzarh an tum kha a ni a, mahse May thlaah chuan tlangzarh an tum leh ta lo a, June 25-a tlangzarh a ni zawk dawn tih an puang leh ta a, chumi rual chuan Minions chhunzawmna tur 'Minions: The Rise of Gru' pawh tlangzarh hun an sawn hla tih puang telin, nakkum lamah an tlangzarh dawn tih an sawi.

'Minions: The Rise of Gru' hi 'Despicable Me' franchise pangana tur a ni dawn a, kumin June 2 hian tlangzarh an tum a, mahse kum khat laiin tlangzarh hun hi sawn hlat a nih thu puangin nakkum July 1-ah tlangzarh an tum thu hi an puang a ni.