Adidas Campaign star BLACKPINK

Superstar girl group Blackpink chu Adidas 'Watch Us Move' campaign-ah an inlan.

'Watch Us Move' campaign hi  International Women's Day denchhena hmeichhe nihna leh hmeichhiate'n an duh ang an lantir theihna atana zalenna an neihna lawmna campaign a ni a, 'Raise Your Voice' collection an tlangzarh rualin campaign video hi an tichhuak a, 'Raise Your Voice' collection hi March 4 aṭang khan Adidas website-ah a lei theih nghal a ni.

Jennie, Rosé, Lisa leh Jisoo-te hi campaign video pakhatah a huhoa an inlan bakah a hrang ṭheuhin an inlan bawk. A hma pawhin Adidas campaign-ah Blackpink hi an inlan tawh a, nikum January thlaah khan 'Change Is a Team Sport' campaign-ah Yara Shahidi, Ninja leh Pharrell Williams-te nen an lo inlan ho tawh bawk a ni.

Blackpink member Rosé chuan March 12 hian a single hmasa ber ‘On The Ground’ a tlangzarh dawn bawk a, hemi ni vek hian a solo album R a tlangzarh dawn bawk a, he a album thar tur hi  YG, Interscope label kaltlangin a tlangzarh ang.

R-ah hian hmanni a teaser a tichhuah, The Show livestream concert-ah pawh a sak 'Gone' pawh kha a dah tel dawn a ni.