Lauren Daigle ‘Hold On To Me’

Grammy Award pahnih lai dawng tawhtu Lauren Daigle chuan thla li liam ta vela live-a a perform-naa a sak ‘Hold On To Me’ official audio chu a tichhuak a, streaming platform hrang hrangah a dah tawh a ni.

Kum 2018-a Grammy a dawnpui Look Up Child a tihchhuah hnuah khan a 'orginal' hla a la tichhuak leh lo a, ‘Hold On To Me’hi a tihchhuah leh hmasak ber niin, 'You Say' singer hla thar hi an stream nasa leh tawh hle nghe nghe.

Lauren Daigle hi Billboard Christian chart-ah a che ṭha hle a, 'You Say' phei kha chu genre hrang hranga Billboard Chart-a No.1 hauh rei thei ber niin kar 116 lai No.1 a ni. Daigle hian Billboard Music Awards pasarih lai a dawng tawh a, American Music Awards pali leh GMA Dove Music Awards 10 a dawng tawh a ni.