Sanctus Real single thar ‘My God Is Still The Same’

Christian band Sanctus Real chuan Zirtawpni khan hla thar ‘My God Is Still The Same’ an tlangzarh. 

Guitarist Chris Rohman chuan,"Thuchah kan puan chhuah duh hi tunhma zawng aiin sawi chhuah kan duhna a nasa. Tun ang hun hrehawm tak karah hian chanchin lawmawm sawi tur tlemte a awm a nih chuan, kan Pathian hi nimin, vawiin leh naktukah pawh a danglam ve ngai lo, tih thu hi sawi chhuah kan duh a ni," tiin an hla thar ‘My God Is Still The Same’ chungchang a sawi chhuak.

Lead singer Dustin Lolli chuan,"Tun ang hun khirhah pawh hian Kristiante chuan hlauhna chhan tur kan nei lo, a chhan chu kan Pathian biak hi a danglam ve ngai loh vang a ni. Tlang hial pawh a sawn thei a ni," tiin a sawi ve bawk.

‘My God Is Still The Same’ hi streaming platform hrang hrangah a stream theih reng tawh a ni.