Nick Jonas-a'n Hindi hla nalh a tih a sawi chhuak

American ni mah se a nupui Indian a nih miau avangin India culture eng emaw zat a hriat ve a ngai tlat! Tun hnai khan Nick Jonas chuan Bollywood chungchangah zawhna a dawng a, Hindi hla a ngainat zawng an zawt chhuak mauh mai.

Priyanka Chopra pasal Nick Jonas hian Bolly­wood film zingah 'Sonu Ke Titu Ki Sweety' chu a ngainat ber a ni a, he film-a a changtu pa Kartik Aryan chu a dahsang hle bawk. A hla duh ber pawh he film-a an hla Bom Diggy Diggy a ni a, Joe Jonas leh Kevin Jonas-te pawhin an ngaina hle tih a sawi lang bawk. 

A film ngainat leh pakhat chu a nupui Priyanka Chopra channa Dostana a ni a, a mak lo! He film hi 2008 khan release a ni a, Bollywood superstar John Abraham leh Abhishek Bachchan-te pawh an inlan a ni. He film-a an hla 'Desi Girl' chu Nick Jonas hian a ngaithla kham thei lo a - a video a en fo ṭhin tih pawh a zep lo!

American singer Nick Jonas leh Indian actress Priyanka Chopra-te hi nikum December thla khan an innei a, India ramah an inkutsuih a ni.