George Clooney a inhliam

American actor lar George Clooney chu Italian motorbike a khalhna lamah a chesual a, hliam tenau a tuar. Hospital panpui ni mah se a hnuah a chhuak leh nghal a ni. 

Kum 58 mi George Clooney hi TV series, Catch-22 an chan laia chesual a ni a, Italian Island Sardinia-ah car nen an insu a ni. Shooting neiin kawngpuiah a tlan a, amah tawk zawnga lo tlan Mercedes car nen an insu ta a ni. 

Vanduaina thlen hnu hian car driver hian emergency number a call nghal a, a hmunah hian Municipal Police, Ambulance leh Fire Department lamte an thleng nghal a, thil serous erawh a lo ni lo hlauh. 

George Clooney hian hliam tenau a nei a, amaherawhchu, zan mut theih lohna tham a nih lem loh avangin hospital aṭang pawhin chhuah leh nghal a ni. Comedy series Catch-22 hi May thla aṭang khan tihchhuah ṭan a ni a, tunah hian episode thar an chang leh mek a ni. George Clooney bakah hian American actor Christopher Abbott leh Kyle Chandler-te pawh an inlan a ni.