Ariana Grande London-ah concert leh dawn

American singer Ariana Grande chuan van­duaina a lo tawhna hmun London a pan leh dawn a, concert ropui tham tak neih leh a tum. 

Grande hian European tour a nei dawn a, London lam pan turin thu­tlukna a siam leh tawh. August thla khian The O2 Arena-ah a concert dawn a, ṭum thum show a nei ang. Hemi hnu hian Birmingham, Glasgow leh Sheffield-te a pan ang a, October-ah London-ah bawk show a nei leh ang. 

Ariana Grande hian kum 2017 khan Manchester Arena-a concert a neih ṭumin vanduaina a thleng a, a show neih laiin bomb a puak. He thil thlengah hian mi 23 zet an thi a, midang eng emaw zatin hliam an tuar bawk. He vanduaina thleng vang hian Antwerp, Belgium; Lodz, Poland; Frankfurt, Germany leh Zurich, Switzerland-a a concert turte pawh a ṭhulh phah a nih kha. 

He thil thleng hian Ariana Grande rilru pawh a tina hle a, ngaituah let pawh a duh lo tih a lo sawi chhuak tawh a ni.