Ranveer leh Deepika-te'n film changdun dawn

Bollywood star Deepika Padukone chuan a pasal film chan mekna '83' chu a zawm ve leh ta a, an nupa hian shooting neiin London-ah hun an hmang mek. 

Ranveer leh Deepika-te hi drama/sport film '83'-ah hian an changdun dawn tih thawm a lo awm fo tawh a, shooting an ṭan hnu thlengin thu chiang hriat tur a la awm lo thung. Tun hnai khan Ranveer hian shooting nei turin London hi a pan a, a hnuah Deepika hian a zawm ve leh ta a ni. Hei hi Bollywood ngainatute tan chuan chanchin lawmawm tak a ni a, an inkawp tur hi hmuh chakawm tawh tak a ni. 

He film hi Indian film director Kabir Khan kutchhuak a ni dawn a, legendary cricketer Kapil Dev chanchin behchhana siam a ni. Ranveer hi Kapil Dev lemah a chang dawn a, Deepika pawh Indian captain lai lo ni tawh Kapil-a nupui Romi Bhatia lemah a chang dawn a ni. Nakkum April thlaah tihchhuah a ni ang.