Selena Gomez album thar a hnai

Hun khirh tak a hma­chhawn avangin music lamah duh angin a inhmang tam thei lo, tunah erawh rimawi lamah a insawr bing leh thei tawh. American singer Selena Gomez chuan a studio album pathumna a peihfel leh tawh a, a chhuah hun tur erawh a la tarlang lo.  

'Come and Get It' hit­maker hian tunhnai khan album a peihfel thu hi social media kaltlangin a puang a, a release hmain single tih chhuah phawt a tum thu a sawi lang bawk. Gomez hian thla khat vel liam ta aṭang khan hla thar hi a buaipui ṭan a, studio pawh a bel ngawrh hle. 

Tunah chuan release mai theihin a peihfel tawh a, nghah rei a ngai tawh dawn lo. A hla thar tur hi a album vuak hot-na tur a nih hmel a, fan lam pawh an phur tawh hle. Kum 26 mi Selena Gomez hi 'The Dead Don't Die' film-ah a chang bawk a, Thawhṭanni zan khan premiere a ni. He zombie/fantasy film hi June 14 aṭang hian theater hrang hrangah chhuah a ni dawn a, Bill Murray, Adam Driver, leh Chloe Sevigny-te nen an changho a ni.