UK sorkarin greenhouse gas tihtawp tum

UK sorkar chuan greenhouse gas emission tihtawp tumin hma a la mek a, kum 2050-ah chuan project hi a hlawhtlin an beisei a ni. 

UK Prime Minister Theresa May chuan hemi chungchang hi tunhnai khan a puang a, kum 2050-ah chuan greenhouse gas emission hi tihtawp vek tum a ni, a ti. Greenhouse gas chu mihring hriselna tichhe thei a nih thu sawiin, sik leh sa thlengin a nghawng thei a ni, a ti bawk. 

Khawvela ram hrang hrang zinga hetiang project lian tham duang hmasa ber chu Britain hi a ni a, 2008 khan Climate Change Act an lo pass tawh bawk. Tuna an project 'net zero' hi Committee on Climate Change chuan May thla khan a lo pawmpui tawh bawk a, hmalakna kalpui ṭan a ni dawn. 

Scotland pawhin greenhouse gas emission tihtlemna tur project 'net-zero' hi a lo duang tawh bawk a, 2045-ah chuan greenhouse gas siam chhuak lo ram nih an tum dawn a ni.