Mabiaki Pachuau music video album 'Lunglen hnemtu' tlangzarh a ni ta

Traditional Singer of the Year Award pawh lo dawng tawh, Lalbiakhlui Pachuau (Mabiaki) music video album thar, 'Lunglen Hnemtu' tih chu Ningani zan khan David’s Kitchen, Chanmari-ah tlangzarh a ni ta. Hla pakua awmna album hi L. Thangmawia, MLA chuan a tlangzarh a ni.

Tlangzarh inkhawm hi Te-a Boitlung chuan a kaihruai a, K. Lalmuansanga, ASEP President chuan hunserh hmangin - music video album thirlawkna hi Lalremtluanga, Finance Secretary, Sai­hnuna Memorial Society (SAMSO) chuan a nei thung a ni. 

'Lunglen hnemtu' album-a hlate hi audio/visual quality ṭha tak tak vek an ni a, ngaihthlak manhla tur tak a ni hlawm. Mabiaki album thar hi David Lalhmamgaiha, David's Kitchen neitupa chuan a produce a ni. He album-a hlate hi a vaia belhkhawmin minute 39 leh second 42 a ni a, music hi Thangbawiha kutchhuak a ni. A kuthnu a mamin belhchian a dawl hle a, video pawh en manhla tak a ni. Video bik hi Zova Video Production kutchhuak a ni thung. 

Tlangzarh inkhawmah hian Mizo Cultural Organisation (MCO) aiawhin Vice President John Saikhuma chuan thu a sawi a, Mabiaki seilenna khua, Tlangpui Welfare Association aiawhin thusawi ngaithlak a ni bawk.

Zaithiam lar tak tak - Sawmtea Chhangte, Rachel Lalnunkimi, Zorinzuali Khiangte, H. Van­lalhlana leh Ticos Darhming­liana-te’n zaiin mipui kalkhawmte an awi bawk a, B. Lalthlengliana (Thangkura) chuan lawmthu sawina hun a hmang bawk.