A zawna pakhatna ṭum 100 ni thei BTS

South Korean boy band lar BTS chu Billboard Social 50 chart-ah a zawnin pakhatna ṭum 100 zet an ni a, an record ṭha bik an siam. A zawn kher loa No.1 an hauh nen phei chuan ṭum 130 zet a tling tawh a, mi bik an nih zia hai rual a ni lo. 

Billboard Social 50 chart hi - Facebook, Twitter, In­stagram, YouTube, Wiki­pedia leh Tumblr-a an lan tam dan aṭanga teh a ni a, hei hian BTS lar zia a tarlang chiang hle. Chart-ah hian July 29, 2017 khan a vawi khat nan No.1 an hauh ṭan a, June 2019 a her chhuak meuh chuan ṭum 130 zet pakhatna an ni. 

Chung zingah chuan a zawna kar 100 zet No.1 an hauh pawh a tel a, chart an thunun hneh hle. BTS hi Twitter-ah ringawt pawh vawi maktaduai 12.3 zet mention an ni a, namai lo tak a ni. Facebook, Instagram, YouTube, Wiki­pedia leh Tumblr lamah pawh an lar ber a ni.