SEKI Inter Village Band Contest 2019 Naktuk zanah intihsiak leh dawn

Rampum huap band intihsiakna SEKI Inter Village Band Contest 2019 chu naktuk zanah chhunzawm a ni leh dawn a, Open Category leh Under 19-te an inlan ang. 

Open Category-te hian Zirtawpni zan khan Vanapa Hall-ah second round intihsiak an hmachhawn a, band panga an tlang. Chungte chu - Ramhlun South I LC, Ramthar Veng LC, Lunglawn VC (Lunglei), Electric Veng LC leh Mission Veng LC-te an ni a, naktuk zana che ṭhaten final an lut ang. 

Second round-ah hian band 10 an inlan a, hla thlan sa pahnih - 'Chungmu vanlai' tih leh 'A ral leh ṭhin' tih hlaah an duh zawk an sa a,  an hla chuam pakhat an sa tel bawk. Naktuk zan aṭangin Under 19-te'n second round an hmachhawn dawn a, finalist puan nghal a ni ang. Final hi June 20, Ningani zanah Vanapa Hall-ah neih a ni dawn a, a tuk zanah result puan a ni ang - concert pui tham taka a awm nghal bawk ang. Intihsiak hi Zonet Rimawi, HD leh Zonet YouTube channel lamahte live-a pek chhuah a ni.