Xiaomi-in 64-megapixel camera hmang siam chhuak dawn

Tun hnai lawkah Red­mi Note 7S, Samsung 48-megapixel image sensor an tichhuak a, an la duh tawk mai lo. Chinese smartphone company ṭhangduang Xiaomi chuan smartphone model thar 64-megapixel camera hmang an siam chhuak leh dawn tih an puang leh ta rup mai. 

64-megapixel Xiaomi hian camera thuam chak kawngah hma an la nasa hle a, tun hnaia an model chhuak tharho pawh camera hman tlak tak tak an ni fur. An model chhuak thar leh tur pawh hi 64-megapixel image sensor a ni dawn a, hman tlak viau tura ngaih a ni. 

Company chuan 48-mega­pixel smartphone, Redmi Note 7 Pro chuan khawvel hmun hrang hrang a tuam mek tih an sawi a, a boruak daih hmain a aia megapixel sang an tichhuak leh dawn tih an puang. Hei hian Samsung 64-megapixel image sensor a hmang dawn a ni. 

Hetih lai hian South Korean company lian Sam­sung chuan a vawi khat nan 64-megapixel sensor smart­phone an siam chhuak dawn tih an puang a, Galaxy A series hoin a kengtel dawn a ni.