IFPI Global Recording Artist of 2019 Taylor Swift

International Federation of the Phonographic Industry (IFPI) chuan ni­kum chhunga zaithiam inhralh ṭha ber Global Recording Artist of 2019-ah Taylor Swift a puang.

Tluk zawk loh Taylor Swift 

'You Need To Calm Down' singer hi Ed Shee­ran, Billie Eilish leh Post Malone-te pawhin an tluk lo a ni. 'Lover' album a tlangzarh kumah tak a ṭum hnihna atan Global Recording Artist of the Year-ah puan a ni leh. Kum 2014-a '1989' a tihchhuah khan Global Recording Artist of the Year-ah hian puan a lo ni tawh bawk a ni.

Kumin January thla thleng khan 'Lover' hi copy maktaduai nga lai hralh a ni tawh a,  Panic! At The Disco member Brendon Urie nena an tihchhuah 'ME!' chu Spotify chart-ah No.1 a ni bawk. 

IFPI chief executive Frances Moore chuan Taylor Swift chu global star dik tak entirna dik tak a nih thu a sawi. "Artist a nihnaah hian hma a sawn zel a, a fan-te nena inzawmna an neih ṭha tak chu a chhawmnung reng bawk, a album apiangah hmasawnna hmuh tur a awm zel a ni. " A vawi hnihna atana  Global Recording Artist of the Year a dawng tur hi a phurawm hle  a ni," a ti.

Tute nge Taylor Swift tluk lotute? 

Kum 2017-a Biggest-Selling Artist Ed Sheeran chuan pahnihna niin, nikuma a album tlangzarh 'No. 6 Collaborations Project' chu pakhatna a nihpui zo ta lo a ni.  Stormzy, Cardi B, Camila Cabello leh Khalid-te thawpuiin ram 19 laiah chart No.1 nihpui mah se Taylor a tluk zo ta lo. 

Post Malone chu pathum­na a ni thung a, 'Circles' hitmaker hian September khan  'Holly­wood's Blee­ding' a tlangzarh a, nikum chhunga tlangzarh kara album hralh ṭhat ber dawttu a nihpui thei bawk. Nikum chhunga award semna apianga che ṭha em em Billie Eilish chu palina niin, Rock legends Queen chuan Top 5 an khar a ni. Ariana Grande, BTS, Drake, Lady Gaga leh The Beatles-te pawh top 10-ah an lang phak bawk.

IFPI Top 10 Global

 Recording Artists of 2019

1 Taylor Swift

2 Ed Sheeran

3 Post Malone

4 Billie Eilish

5 Queen

6 Ariana Grande

7 BTS

8 Drake

9 Lady Gaga

10 The Beatles

Global Recording 

Artist atana puan tawhte

Kum 2013    -    One Direction 

Kum 2014    -    Taylor Swift 

Kum 2015    -    Adele

Kum 2016    -    Drake

Kum 2017    -    Ed Sheeran 

Kum 2018    -    Drake