Grammy Awards-ah John Mayer, Taylor Swift, Dua Lipa etc. perform dawn

Grammy Awards sem hun a hnai zel a, tunah chuan porform turte pawh a hriat ta.

Pathianni lo awm tur zana (kan ram huna Thawhṭanni zing) sem tur 2021 GRAMMY Awards Show-a perform tur list chu Grammy buatsaihtute chuan an tarlang chiang ta a, zaithiam hriat hlawh tak tak an inlan tam dawn. Chung zingah chuan John Mayer, Taylor Swift leh BTS-te pawh an tel.

GRAMMY.com kaltanga stream theiha an chhawp chhuah tur Grammy Awards 2021 ceremony hi  Los Angeles Convention Center leh a chhehvelah buatsaih a ni dawn a, Covid-19 inkaihhruaina dan khauh taka zawm chungin ceremony hi an buatsaih dawn a ni.

Recording Academy-in thuchhuah an siamah chuan artist-te chu an kalkhawm dawn tho a, mahse him taka an awm theihna turin an inawm hlat dawn thung. Ceremony-ah chuan performer leh nominnee-te bakah sawm bik mi tlemte chiah an kalkhawm dawn bawk.

Bad Bunny, Black Pumas, Cardi B, BTS, Brandi Carlile, DaBaby, Doja Cat, Billie Eilish, Mickey Guyton, Haim, Brittany Howard, Miranda Lambert, Lil Baby, Dua Lipa, Chris Martin, John Mayer, Megan Thee Stallion, Maren Morris, Post Malone, Roddy Ricch, Harry Styles, leh Taylor Swift-te chu perform tura an tarlante an ni a, heng hming tarlan zinga a tam ber hi chu nominee an ni nghe nghe.

Styles, Megan Thee Stallion, Bad Bunny, DaBaby, Doja Cat leh Guyton-te chu a vawi khatna atan Grammy-a perform turte an ni. GRAMMY.com bakah hian Facebook Live-in an stream dawn bawk tih Recording Academy chuan an tarlang a, 63rd Annual GRAMMY Awards chu CBS leh Paramount+-ahte ET zan dar 8-11:30 inkarah pek chhuah a ni dawn tih an tarlang bawk.