Hmingtea Chhangte-in 'Hun duhawm leh lenrualte' Music video tichhuak dawn

Hmingtea Chhangte chuan kumin chhunga a music video hmasa ber tur 'Hun duhawm leh lenrualte' chu thlira ngaihthlak theih turin a chhawp chhuak dawn ta.

'Hun duhawm leh lenrualte' hi a hmain studio version Mizo Dance Camp nen an tichhuak tawh a, chu pawh chu YouTube-ah dahin mi nuai sarih chuangin an thlir tawh. Mahse Official music video erawh tihchhuah a la ni lo a, Hmingtea hian kumina a music video hmasa ber turin a rawn buatsaih ta a ni.

A hmaa kan lo ngaihthlak tawh ang chiah kha a ni dawn lo a, tlem a her danglam hret thung. Video-ah hian mi tam tak inlan mah se an hmel erawh a lang dawn lo a, Hmingtea hmel chiah hi hmuh theih a ni dawn a, a dangdai dawn hle. Midang hmelah chuan WhatsApp emoji a awm zel dawn.

Hmingtea hian Official Music Video a siam thar a, a music video thar pawh hi a channel-ah hian a upload ang. A music video thar hi naupang leh ṭhalai lawmzawng a ni dawn tih Hmingtea chuan Vanglaini a hrilh. "Hun duhawm leh lenrualte hi ṭhiante nena inhmuhna hla leh engthil pawh hlimawm taka hmanna hla a ni ber mai. Ka channel tharah hian hla cover leh dance tutorial-te ka dah ṭhin dawn a, min lo subscribe sak ve dawn nia," tiin Hmingtea chuan a sawi.