Royal Airforce-ah Joseph Lalawmsanga a tling

Royal Airforce-ah Joseph Lalawmsanga, Chhingchhip chu a tling thar leh a, Mizo tlangval Royal Airforce-a tling palina a ni.

Joseph Lalawmsanga hi C. Lalchhandama leh T. Lalinmawii te fa pali zinga a upa ber dawttu niin Mualpui, Chhingchhip khuaa piang leh seilian a ni. An khua, Chhingchhipah Primary leh Middle School a zawh hnuah  High School leh Higher Secondary School chu Children Guiding Higher Secondary School, Dawrpui aṭangin a zo leh a, Scottish College, Kolkatta aṭangin BCA a zo thung.

Royal Airforce pal-tlang tur hian Airmen Selection Test, Interview leh Medical bakah ni thum chhung Physical tests neih ṭhin a ni a, chu chu Joseph Lalawmsanga hian a paltlang vek a ni. Mizo tlangval, Royal Airforce-a tlingte hi Inspire Agency, Khatla South-a in register vek an ni a, anni hnuaiah hian application zawng zawng ti vekin chumi zawh hnuah UK-ah Assessment nei turin an chhuk thla leh a ni.